الأمثال الشعبية اللبنانية.. هل تستخدمون أياً منها؟
جبلنا ماغازين - طرائفنا
إليكم هذه المجموعة من الأمثال الشعبية
اللبنانية الطريفة. جمعها موقع "جبلنا ماغازين" مستعيناً بعدد من
المواقع المختصة بالأدب الشعبي على الإنترنت.
بإمكانكم إضافة ما تذكرون من أمثال شعبية بأنفسكم في زاوية التعليقات في أسفل هذه
اللائحة:
حسبنا الباشا باشا، تاري الباشا زلمي
الحق على الطليان
أصلاً سِتِّي بتِدَّشّى، كِيفْ إذا إِجاها وحام الصيفية
بينشرنا على صنوبر بيروت
حاكي قليل الأصل ولا تحاكي النايم بعد العصر
تعشّى عند الدرزي ونام عند النصراني
الأربعين زهر البساتين، والخمسين ضراط وعنين، والستين جهّز السكين
خَبِّي فحماتك الكبار لعمَّك آذار
راح ساقي وسمّاقي وما بقي غير ضِيقة أخلاقي
يا صايم بلا صلا، يا معذّب نفسك بالهوا
شو نفع الفرمان والكلاب طرشان
عَزَمو ضيعتين على قلي بيضتين
واقف متل عامود خلدة
الناس بيطَّلّعوا بسلاطين مِشْ بحرادين .
ميّة نيسان تحيي الإنسان
قَدّيه صرلك بالقصر؟ قال: من مبارح العصر
كل طفّاية بتيجينا اللهمّ عافينا
مِتل خياطة بنت أبو النصر، من عبكرة للعصر
النِّدِر للدَّير والخـ... على سمعان !
يلّي ما بيعرف طعمة تِمُّو ما بيسأل عن شرف إمّو
مين ما أخد إمّي بيصير عمّي
الجنة بدون ناس ما بتنداس
آخر العَنقُود سُكَّر معقود
آخر المعروف ضرب الكفوف
أعزب دهر ولا أَرْمَل شهر
الذّيب قال للخروف: يا خروف ذنبك عَجَّج (تغبَّر)، فردّ الخروف: كلني ولا تِتْحَجَّج!
الغايب ما إلو نايب
اللي ما إلو حظ لا يتعب ولا يشقى
كل شي بِدُّو عزيمة، إلّا الهزيمة!
حَيَّة بالكْوارة وَلَا مَرَا قَهّارة!
شَمَّع الخيط وهرب.
ما بِتْهِزّ العُرُوش غير النسوان والقروش!
القول قول أجير، والفعل فعل أمير .
مِثل حكاية إبريق الزيت
عامل السّبعة وذمّتها
فقر وهداوة بال، لا مكسب ولا رأسمال .
الخيبة وقلّة الهيبة وتفضاية الجيبة .
عداوة دهر؛ ما بتزول لا بيوم ولا بشهر
العز للرز والبرغل شنق حالو.
أعطي خبزك للخباز ولو أكل نصو .
لاقيني ولا تطعميني
في بيناتنا خبز وملح.
شو بدي اتذكر منك يا سفرجلة، كل عضّة بغصّة
لا تقول عنب ليصير بالسلة
ما تقول فول ليصير بالمكيول
دمو متل العسل
شو ماشي على بيض؟
بدك تاكل عنب ولا تقتل الناطور؟
طنجرة ولقت غطاها
تاكلني لحم وترميني عضم .
وجهو ما بيضحك للرغيف السخن .
متل العجينة بين إيديي .
عضة كوساية وبكون وصلت
يا داخل بين البصلة وقشرتها
الجوازة متل البطيخة.
طول متل عرق الفول.
أكّال نكّار.
حاجة أكل هوا.
نحنا ما مناكل مال حرام .
اي شو الشغلة شوربة؟
تاكل هم قلبي .
عينو شبعانة.
إلها تم ياكل ما إلها تم يحكي .
إيجار البيوت قبل القوت.
الداخل بالسياسة مثل الداخل بتَنْكة الكناسة.
ما بيحمل همّك إلا يلِّي من دمّك
خمنِّي إمو تَ إعتل همو
بعمل شغلتي بإيدي ولا قول للكلب: يا سيدي
الرجال بلا كِرِش ما بيسوى قرش!
بعهد أبو دكة، الواوي أكل السكة!
التأهيل يجلب الضيف الثقيل.
صام، صام، وفطر على بصلة
لا بيعجبه العجب ولا الصيام برجب
تِكِّ الرنّان .. بيركض لك كلُّ قلبٍ حنّان
رجعت حليمة لعادتها القديمة
*إعداد جبلنا ماغازين