ما في حدا – بقلم: صبحي منذر ياغي
ما في حدا منهم..
ضيعهم الطريق،
لا صوات لا غناني
بهالبيت العتيق..
هاجروا متل عصفور البرد،
دقوا جراس الليل
وغابوا بعتمة الجرد،
تركوا أساميهم محفورة بالهوا،
فتحوا باب الغفا،
فاتوا ع السكت ناموا بصمت..
من بعد غيبتهم هالدني عم تشتي حزن...
صار الدمع خمر الجفن،
وبأرض هالدار المهجورة
صوت ختيار من وجعو بيعن..
و محدلة منسية..
وعنكبوت معشش بحيطان الجرن..
*الصحافي صبحي منذر ياغي