ميلاد نقولا - جبلنا ماغازين

كل اللبنانيين ينتظرون الرئيس العتيد... القبطان الذي يبحر بسفينتهم إلى مرفأ الأمان... الرئيس المنتظر!
كل العيون شاخصة إلى مدخنة بعبدا. متى سيطلع منها الدخان الأبيض وتحصل الأعجوبة؟

الله كريم! كثرة الألم تدفع بالإنسان في بعض الأحيان إلى أن يغني. فلنغنّ إذن: على دلعونا!
----------------------
على دلعونا وعلى دلعونا
بٓدْنٓا ننْتخِبْ ما بيخلونا...
رٓيِّسْنٓا رايح خلْصتْ ألمدِّي...
والمركٓبْ ماشي ومش رٓحِ يهدِّي...
هٓيْداكِ بٓدِّي وهٓيْدا ما بٓدِّي...
بٓرّٓاتْ المركب رٓحْ بيكبونا ...
ولِكْ دٓلْعٓنْ دٓلْعٓنْ دٓلْعٓنْ دلعونا...
إذا غنّٓيْنٓا ما بيجزُّونا...
---------------------
على دلعونا وعلى دلعونا...
تٓتْجيبوا رٓيِّسْ رٓحْ تفلقونا...
السياسة عنا عٓ نفس الرٓدِّي: 
أنا اللي بفهم بٓعِّدْ من حٓدِّي..
يا أرض إشتدِّي ما حٓدٓا أدِّي...
يا بجيب ألريِّس يٓمّٓا ما يكونا...
ولِكْ دٓلْعٓنْ دٓلْعٓنْ دٓلْعٓنْ دلعونا...
أهل السياسة رٓحْ يخنقونا ...
---------------------

على دلعونا وعلى دلعونا...
اللبناني صاير متل المجنونا...
يا سياسيّيِ شوفوا اللبناني...
أحوالو مرتِّي كتير وتعباني...
بيقْبٓضْ عشييِ وباليوم التاني ...
طار المعاش وعلى الله العونا...
ولِكْ دٓلْعٓنْ دٓلْعٓنْ دٓلْعٓنْ دلعونا...
حكّٓامْ بلادي حٓ يْجوعونا...
-----------------------
دٓلْعٓنْ دلالك دٓلْعٓنْ دلعونا...
ما بِبْدُلْ أرضي بِ مالِ الكونا...
يا أرض بلادي ألله يحميكي...
جٓمالْ وفتْنة ألله عاطيكي...
ياربي تِهدي الحكام ألفيكي...
بٓلْكي من الجورة رح بيشيلونا...
ولِكْ ملعون ملعون ملعون ملعونا...
أللي بيخرُبْ بيتو خاين بيكونا...
---------------------
غنوا تنغني على دلعونا...
وننزل ع الدبكي بٓلْكي بتهونا....
--------------

--------------
*ميلاد نقولا (ملبورن - أستراليا)