Follow us

image

صوتنا – جورج عرب من بوسطن: على هيك وطن ما اشتقنا

كتب جورج عرب من بوسطن (الولايات المتحدة) الآتي:

"قديه كنا نشتاق للوطن لما كنا بعدنا عايشين بهالغربة لا مين شاف ولا مين دري، لحتى ابتلينا بالساتيلايت والمحطات التلفزيونية العربية واللبنانية وفوقهن الفايسبوك! أحسن شي الواحد لا يسمع أخبار، ولا يحضر تلفزيون، ولا يشوف هالأخبار والشوفات وهالإشياء اللي عم بتصير بالبلد. ما كان أحسن؟

عشنا كل حياتنا متأملين يا هالكبار إنّكن تصلّحوا الوطن المعطّل بركي شي يوم منرجع على بلادنا، وبيستقبلونا أهلنا وأصحابنا، ومنعيش اللي بقى من حياتنا مرتاحين ومبسوطين. تركنالكن الوطن أكتر من تلاتين سنة يا كبار، وبعدكن على هالحال. وبعدو الأخ بيعض أخوه، والكبير بياكل الزغير... والدم صار مي، والناطور صار الحرامي والحارس هو القاتل! وغود باي يا بلدي، عليك السلام... نحنا على هيك وطن ما اشتقنا!"